Blogroll

الاثنين، 24 يونيو 2013

Peugeot 301 2014 تقرير كامل بالصور والأسعار لبيجو 301


ظهرت سيارة بيجو 301 الجديدة خلال معرض القاهرة الدولي للسيارات الذي لُقب كذلك بمعرض “اوتوماك فورميولا 2013″ للمرة الأولي في مصر هذا العام خلال فترة إقامة المعرض في المدة من 17 يناير وحتي 24 يناير 2013 في مركز القاهرة الدولي للمؤتمرات بمدينة نصر.

مواصفات سياره بيجو 301
المحرك وناقل الحركة الخاص بسياره بيجو 301
سياره بيجو 301 مُجهزه بمحرك رباعي الاسطوانات مكون من 16 صبابًا وسعه 1.6 لتر VTI l يوُلد قدرة حصانيه تصل الي 115 حصان. يدفع هذا المحرك سياره بيجو 301 الي سرعه قصوي تُقدر بنحو 188 كيلو متر في الساعه. تتوفر سياره بيجو 301 بناقل حركة يدوي / اوتوماتيكي.

وزن وأبعاد سياره بيجو 301
يصل وزن سياره بيجو 301 الي نحو 1165 كيلو جرام وذلك والسياره فارغة وبدون حمولتها، أما بالنسبة لأبعاد سيارة بيجو 301 فهي كالتالي:
يبلغ طول سياره بيجو 301 4440 ملي متر ويبلغ عرض السياره نحو 1780 ملي متر، فيما يبلغ ارتفاع سياره بيجو 301 نحو 1466 ملي متر.

سعر سياره بيجو 301 في السوق المصري
تتوفر سيارة بيجو 301 في السوق المصري بثلاث فئات:
الفئة الأولى 109,900 جنيه مصري وهي مزوده بناقل حركه يدوي

الفئه الثانية 124,950 جنيه مصري وهي مزوده بناقل حركه اوتوماتيكي

الفئه الثالثة 136,950 جنيه مصري وهي أعلي فئة بجميع الكماليات ومزودة بناقل حركة أوتوماتيكي
صور سياره بيجو 301



http://img2.netcarshow.com/Peugeot-301_2013_800x600_wallpaper_01.jpg

http://img2.netcarshow.com/Peugeot-301_2013_800x600_wallpaper_02.jpg

http://img2.netcarshow.com/Peugeot-301_2013_800x600_wallpaper_2c.jpg

http://img2.netcarshow.com/Peugeot-301_2013_800x600_wallpaper_0f.jpg

http://img2.netcarshow.com/Peugeot-301_2013_800x600_wallpaper_05.jpg

http://img2.netcarshow.com/Peugeot-301_2013_800x600_wallpaper_1e.jpg

http://img2.netcarshow.com/Peugeot-301_2013_800x600_wallpaper_21.jpg

http://img2.netcarshow.com/Peugeot-301_2013_800x600_wallpaper_22.jpg

http://img2.netcarshow.com/Peugeot-301_2013_800x600_wallpaper_24.jpg

http://img2.netcarshow.com/Peugeot-301_2013_800x600_wallpaper_23.jpg

http://img2.netcarshow.com/Peugeot-301_2013_800x600_wallpaper_3c.jpg

http://img2.netcarshow.com/Peugeot-301_2013_800x600_wallpaper_2a.jpg

http://img2.netcarshow.com/Peugeot-301_2013_800x600_wallpaper_0b.jpg

http://img2.netcarshow.com/Peugeot-301_2013_800x600_wallpaper_0a.jpg

202 التعليقات :

‏«الأقدم   ‏‹أقدم   ‏1 – 200 من 202   ‏›أحدث   ‏أحدث»

بناءً على ايه حضرتك بتقول ان العربية فاشلة !!!؟

أزال أحد مشرفي المدونة هذا التعليق.

تقريبا نفس الأسعار أو فرق 1900 ج زيادة عن الأسعار المكتوبة فوق .

لو تكرمت هل يوجد موشر حرارة للمحرك ام لا ؟

العربية للأسف مافهاش مؤشر حرارة بس فيها لمبة تحذرك لو الحرارة زادت بشكل كبير .. عموما ده شيء بإذن الله ما تشيلش همه في العربيات الحديثة .

انا اشتريت العربية دي في السعوديةبحوالي 38600 ريال بس فيها حاجه غريبةالتكيف ضعيف جدا التسارع بتعها بطئ جدا كمان مع التكيف مابيكونش فيها اي عزم مع اي مطلع وخصوصا من وضع السكون هو تقريبا امكنيتها علي قد فلوسها ...ومع ذللك هي ناعمه وثلثة في القيادة وتقفلهاالداخلي ممتاز

السيارة تصميمها الداخلي و الخارجي متميز جدا سعة الشنطة الخلفية كبير و تتميز بالرحابة من الداخل بالنسبة للسيارات في فئتها .. أسعارها عند الوكيل في المملكة العربية السعودية تبدأ من 38000 ريال للناقل المانيول و 44000 ريال للأتوماتيك و 50000 ريال للهاي لاين .. سألت مندوب الوكيل عن السيارة المانيول فأخبرني انها بيعت بالكامل و يجب الانتظار من شهر الى شهر و نص لوصول دفعة جديدة لكن انا بفضل الهاي لاين التكييف اتوماتيك و المرايات كهرباء و جنوط 16 و مسند لليد و حليات كروم للنوافذ و يو اس بي مع بلوتوث.

هل تنصحني هذه السيارة بالبحرين من حيث قطع الغيار والصيانة للبيجو

هل تعتبر هده السيارة من نفس فئة الكورولا؟..هى أرخص من الكورولا بحوالى35000 جنيةو تعليق أحد المشاركين عن ضعف التكييف وتأثيره على قوة الموتور مخيف ..زوجتى تهتم بالمنظر و شكل علامة بيجو بالاضافة للسعر ..احساسى الكورولا حاجة تانية ..صح؟

- بخصوص تأثير التكييف على سحب السيارة فالصراحة جميع من قام بتجربة السيارة لم يشتكي من ذلك . تأكد من نوع الوقود المضاف (يستحسن بنزين 92) عموما إذا لم يتم حل المشكلة توجه إلى أقرب مركز صيانة معتمد لبيجو ليتم فحص السيارة بالكامل وإن شاء الله بسيطة .


- شكراً على ردك وإضافة معلومات إضافية عن السيارة في السعودية.

@كامل على: لا أعرف معلومات كثيرة عن توكيل بيجو البحرين . عموما السيارة تم تجربتها في أكثر من دولة ولا توجد أي شكاوى من المستخدمين. لكن أعتقد هناك بدائل من فئات أعلى في البحرين سعرها معقول يمكنك المقارنة بينهم حسب إمكانياتك واحتياجاتك.

- السيارة فئة اقتصادية غير الكورولا ولا يمكن المقارنة بين سيارتين من فئة سعرية مختلفة , على سبيل المثال الهاي لاين في بيجو 301 أقل من سعر أقل فئة في الكورولا !!!
السيارة في نظري ممتازة جدا في شكلها الخارجي الأنيق وتجهيزاتها الداخلية من حيث الرفاهية والأهم فئتها السعرية.

بالتوفيق لكم إن شاء الله وقريبا سأراسل بعض مقتني سيارة بيجو 301 لعرض تجربتهم هنا .

انا البيجو301 عندى بتسحب بنزين كتير جدا هوا فيها مشكلة و لا ايه ؟؟؟

حد يعرف لو نزلت بعربيه بيجو 301 موديل 2014 من السعوديه ادفع عليها جمارك في مصر كام مع العلم ان سعرها 44الف ريال

كام جمارك السياره موديل 2014 اتوماتيك بسعر 44 الف ريال لو نزلت بيها من السعوديه ؟؟؟؟؟

سعر اقل فئة 108 ج لسة سائل عليها في التوكيل بتاريخ 28 9 2013
وهي موديل 2014

أعتذر عن التأخر في الرد لظروف السفر :(

@pharm.arafa:
لا تقلق , أداء السيارة سيتحسن بعد أول 3000 كم بإذن الله. أيضا تأكد من عدم استخدامك sport drive بشكل دائم لتوفير البنزين .

أما بخصوص جمارك السيارة في مصر , نصيحة لوجه الله الأفضل شراء السيارة من مصر توفيرا للوقت والمال والمجهود .. ليس لدي معلومات مؤكدة في هذا الشأن لكن عامة السيارة 1600 سي سي وتخضع لفئة 40% ضريبة جمركية , 15% ضريبة مبيعات , 3% رسم تنمية , ويخصم 10% استعمال لأول سنة و5% من ثاني سنة وبحد أقصى 50% , هذه الحسابات لا تشمل جمارك الكماليات والرسوم الأخرى في الميناء وكذلك لا تشمل المصاريف النثرية الأخرى مثل مصاريف أرضيات وإكراميات وتخليص جمركي وخلافه ..

باعتبار قيمة السيارة في السعودية 44 ألف ريال سعودي , القيمة الجمركية المستحقة تقريبا في حدود 19-24 ألف ريال سعودي (كحد أدنى) لذلك أنصح بشراء السيارة من مصر حتى في وجود 10-20 ألف جنيه مصري زيادة عن سعر السيارة بعد تخليص الرسوم الجمركية .

بالتوفيق للجميع إن شاء الله :)

هي اللي بتنزيل مصر صناعة فرنسية كاملة و لا ؟؟؟؟

السيارة جميلة جدا اغلي من سعرها بكتير

السلام عليكم ورحمة اللة وبركاتة منذ ان رايت السيارة في شهر 5 وعجبتني جدا جدا وانا ذهبت المعارض لرويتها وخلال كام يوم فقط دخلت ازمت ان الدفعة الاولي خلصت وبدات الف في المعارض وبدا اصحاب المعارض بعرض عليا سيارات اخري ولكني اصريت علي البيجو 301 لحبي للبيجو لاني كنت راكب 504 وفعلا استلمت ال 301 من معرض القصراوي بالهرم والسيارة جميلة جدا جدا وانبهرت بوسع الشنطة الكبيرة جداجدا والسيارة تكيفها قوي جدا والسيارة سحيها قوي جدا وثباتها عالي جدا على الطريق وروحت التوكيل بتاعها فرع مدينة نصر والناس هناك محترمين جدا وعملو الازم واول صيانة لها 10000 كيلو تغيير زيت فقط والسيارة جميلةجدا وعجباني جدا وفراملها جميلة جداجدا وقوية جداجدا جدا والسيارة من الخارج والداخل رائعة بكل المقاييس بس الحاجة الي دايقتني ان العربية مفيهاش سماعات خلفية
ولكن السيارة جميلة جدا وانا مبسوط اني اشتريتها

- السيارة حاليا تصنع في مصانع PSA في أسبانيا (التابعة لبيجو-ستروين الفرنسية)

- كلام حضرتك صحيح , السيارة أكثر من رائعة وسعرها مناسب جدا لإمكانياتها .

- badr aboali
ألف مبروك لحضرتك استلام 301 وربنا يحفظهالك ويعطيك خيرها . كلام حضرتك مطمئن لكن من تراوده شكوك حول السيارة , حضرتك أكيد معاك Baseline لأن على حد علمي الـHighline مزودة بـ4 سماعات منهم 2 خلفية .

عموما حضرتك ممكن تسأل في التوكيل لو ينفع تزود السماعات الخلفية .

السيارة بها مكان لتزويدها بسماعات خلفية ولكن هي لايوجد بها سماعات خلفية وانشاء اللة وانا بغير الزيت هاركبلها سماعات خلفية وفوانيس ضباب ولكن السيارة بكل الاحوال عجباني جدا وانا طلبت من التوكيل اسعار جميع قطع غيارها وهانشرها بكرة انشاء اللة

كنت عايز اسال على الدريكسيون فيه زراير للتسجيل والزجاج والنور ولا لا وشكر

انا نفسي اشتري هذه السيارة بس خايف من عدم وجود قطع غيار عند الوكيل ومن الصيانة
ولو سمحتم حد ينصحني هيا والا النيسان الصني الجديدة

badr aboali
أشكرك على المتابعة , في انتظار آرائك وانطباعاتك حول 301 أولا بأول :)

* الدركسيون multifunction في حالة الهاي لاين فقط .

* بشهادة كثير من ملاك سيارات بيجو بمختلف موديلاتها , توكيل بيجو من التوكيلات الملتزمة في توفير قطع غيار السيارة وتقديم أفضل خدمة لأصحاب السيارات وبإذن الله اختيار 301 لن تندم عليه .

انا محتار بين بيجو 301 ولا كيا ريو ارجو النصيحة

إذا كنت تبحث عن الأمان أكثر من الرفاهية فعيلك بـ301 ببساطة لأن جميع فئاتها تحتوي 2 ايرباج وأنظمة abs, ebd في المقابل سعر فئة هاي لاين من ريو أعلى من بيجو بـتقريبا 18 ألف جنيه.

قارن في حدود متطلباتك وإمكانياتك وإن شاء الله تستقر على الاختيار الأمثل .

شكرا جدا... سؤال تانى لوسمحتوا هل قطع غيار البيجو غالية جدا لدرجة ان معظم اصدقائى بيكلومونى ان دى مشكلة البيجو

سؤال تانى لو سمحتوا هل قطع غيار البيجو غالية جدا عن قطع غيار الكورى

السيارة٣٠١ جميلة اعجبتني اتمنى من الله ان يسهل لي واشتري وحدة تنفعني انا وعائلتي واقاربي

أريد شراء سيارة بيجو 301 ولكن صديق لي كان قد إمتلكها قال لي أن فيها عيب في علبة السرع يعني boit vitesse فهل هذا صحيح

أسعار قطع غيار بيجو 301

http://egycarsshow.blogspot.com/2013/10/301-peugeot-301-2014-spare-parts-price.html

لو سمحت كنت عاوز اعرف العربيه بتغير زيت على كام كيلو بعد التللين؟وعاوز اعرف سبب ان العربيه بتاكل بنزين؟

تغيير الزيت تجده في جدول الصيانة الدورية وتستلمه مع شراء السيارة , على حسب ما أذكر تغيير الزيت بعد 10.000 كم

أما بخصوص استهلاك البنزين , فمن غير العادل الحكم على استهلاك 301 خلال فترة التليين أو حتى في أول 3000-5000 كم

لا تقلق بخصوص هذا الشأن , معدل الاستهلاك سيقل بشكل ملحوظ خصوصا بعد صيانة الـ10.000 كم

ملاحظة مهمة : نوع البنزين بيفرق جامد في الاستهلاك , حاول تختار بنزينة نظيفة زي وطنية أو إمارات مصر تفول منها .

كنت عاوز اعرف سعر العربيه فئه اولى اتوماتيك كام تحديدا؟ واين توجد مراكز الصيانه الخاصه بها؟انا بتكلم على بيجو 301

أول فئة أوتوماتيك من 301 هي Baseline وسعرها 123,950
بإمكانك التعامل مع أي من مراكز الخدمة المعتمدة من cdc / بيجو وجيه أباظة

هل يوجد في الهاى لاين طنابير و تيل خلفى و لا لا؟ حيث رايت السياره من غير ! و مكتوب في اسعار قطع الغيار سعر للتيل و الطنابير الخلفيه....

هل مواصفات السيارة فى الخليج افضل من مواصفاتها فى مصر

انا لسه حاجز النهارده وقالولى فى التوكيل فى خلال شهرين..كنت عايز اعرف ليه سبب التاخير..ثانيا انا فعلا دورت كتير على انواع كتير بس لقيت البيجو 301 افضل حاجه بالنسبه للسعر مقارنه بالنيسان صنى و الريو والاكسنت ار بى

- يوجد في الهاي لاين طنابير و تيل خلفي .

- لا يوجد فرق يذكر بين مواصفات 301 الخليجي والموجود في مصر .

- مبروك الحجز أ. هيثم وتستلم على خير إن شاء الله , الاستلام من التوكيل في فترة لا تتجاوز الـ3 أشهر بسبب أن مصنع PSA اسبانيا ينتج عدد محدد من 301 وC-elysee شهريا ونسبة الوكيل في مصر لا تتعدى 5-8% وحضرتك أكيد لاحظت كم الإقبال على بيجو 301 باعتبارها صفقة رابحة فعلا وسعرها الأكثر مناسب في فئتها . بالتوفيق إن شاء الله :)

شكرا م/حاتم على الاهتمام وفعلا هى عليها اقبال كبير فى الحجز..

طيب ممكن تقولي ايه حكاية اقصي سرعه 188 كم / س دا ؟ معني كدا ان اقصي سرعه ليا 180 او 170 مثلا

المقصود بأقصى سرعة في الظروف القياسية , على سبيل المثال (حالة الطريق , اتجاه الرياح , الحمولة في السيارة .. الخ) كل هذه العوامل تدخل في تحديد أقصى سرعة تصلها السيارة.

وعموما سرعة 180 كم/س ليست بالأمر الهين وحرصا على سلامكم ينصح بعدم تجاوز سرعات 140-160 كم/س وربنا يحفظنا جميعا .

السلام عليكم
انا بفكر اشترى السيارة 301 لى اسؤال من الصورا وضح ان ما فيش مفاتيح للزجاج او السنتر فى الابواب
يا ترى هذا صحبح

مفاتيح الزجاج والسنتر في السيارات الأوروبي (غالبا) موجودة في الكونسول وسط السيارة بجوار الـgearbox وليست على الأبواب الجانبية .

السلام عليكم
يرجى التكرم بالافاده عن نوع الموتور الخاص بالسيارة هل هو نفسه فى 308 و307 او موتور الكريستاله

السلام عليكم باش مهندس حاتم .....
ممكن أعرف منك أكتر هو مميزات العربية البيجو 301 الأوتوماتيك لأن واضح إن كل الناس بتشكر فيها و الخوف من الأوتوماتيك بتاعها و مشاكله
وماذا عن خدمة ما بعد البيع .... والوكلاء المعتمدين للصيانة

ولك خالص الشكر

السلام عليكم
ممكن اعرف هل جسم السياره البيجو ٣٠١ به دعمات فى الابواب والكبوت والشنطه لصد الخبطات وحماية الركاب لا قدر الله

انا محتار بين البيجو 301 والتويوتا كرولا 2014 ممكن يا بشمهندس تنصحني اختار ايه

أعتذر لكم جميعا عن التأخر في الرد نظرا لظروف السفر . بخصوص استفسارات حضراتكم :

* موتور 301 يعتبر جديد وله كود EC5 لكن في الأساس مبني على موتور 307 اللي كوده TU5JP4

* أهلا بحضرتك م/ محمد
الأوتوماتيك هاي لاين يزيد ببعض الكماليات مثل:
الجنوط - فوجات- بلوتوث - بارك سينسور - مرايا كهرباء - ولاعة - مسند لليد - شاشة معلومات - طارة جلد - تكييف تاتش - دراع مالتي فنكشن
في الأوتوماتيك ممكن الشكوى بخصوص النتشة بين الغيار الأول والتاني وده شيء طبيعي مش عيب أو غيره , وكل ملاك السيارة تأقلموا على الوضع . ناهيك عن الأمان والراحة اللي بيوفرهم فتيس أوتوماتيك خصوصا في شوارع بلدنا الجميلة :))

- خدمة ما بعد البيع أكثر من ممتازة بشهادة -معظم- ملاك بيجو , خصوصا بعد مشاركة "الشركة العربية للاستثمار والتنمية" مع مجموعة أباظة وده أسهم بشكل واضح في رفع كفاءة مراكز خدمة بيجو .

مراكز خدمة بيجو المعتمدة:
1. مركز غمرة التوكيل الأساسي وغالبا الصيانات الكبيرة بتتم فيه
2. مركز بيجو صلاح سالم - الوايلي
3. بيجو أبو رواش , قبل بوابة الصحراوي عند القرية الذكية (مستواه أقل من غمرة وصلاح سالم)
4. بيجو مرغم في الإسكندرية الكيلو 21 طريق اسكندرية-القاهرة الصحراوي

لو في أي استفسارات تانية أنا في الخدمة .

- بالفعل في بيجو 301 الأبواب مدعمة بقضبان حماية ضد الصدمات الجانبية بالإضافة إلى أنظمة أمان أخرى ABS, EBD, Airbags, ESP, Center lock, seat belts

- باشمهندس أحمد , بيجو 301 فئة مختلفة تماما من حيث التجهيزات والفئة السعرية عن تويوتا كورولا 2014 , كورولا ممكن تقارنها بأوبل استرا , بيجو 508 , رينو فلونس, عالأقل كلهم في فئة سعرية متقاربة . بالتوفيق لك في اختيارك :)

مكن اعرف الفرق بين الاتوماتيك والهاي لاين عشان ان اتعقدت انهارده علي الاتوماتيكب123.900

الفرق بين أول فئة مانيوال والفئة baseline أن الأخيرة أوتوماتيك , لكن الفروق الجوهرية تلحظها في فئة الهاي لاين كما ذكرت في كومنت سابق

" الأوتوماتيك هاي لاين يزيد ببعض الكماليات مثل:
الجنوط - فوجات- بلوتوث - بارك سينسور - مرايا كهرباء - ولاعة - مسند لليد - شاشة معلومات - طارة جلد - تكييف تاتش - دراع مالتي فنكشن "

انا محتار جدا لاني مفيش امامي ماديا غير شراء المانيوال ومفيش حد تقريبا اشتراها :(( عاوز اطمن علي الفتيس المانيوال وهل فيه اختلاف في الشكل العام للعربيه عن الهاي لاين يعني هحس بملل منها وهل فيه اختلافات مثلا في شكل المرايات او الهيكل الخارجي غير الفوجات وهل مكانها موجود وناقص تركيبها ولا مش موجود اساسا وشكرا جزيلا :)

شكرا يا باشمهندس على الردعلى الفرق بين الاتوماتيك والهاى لاين بس ليا كذا استفسار انا اسفه على التطويل بس الاتوماتيك مفيهاش جنوط اصلا ويعنى ايه فوجات ودراع مالتى فنكشن

- لعلم حضرتك أعرف ناس كتير اشترت المانيوال وهم مقتنعين تماما بأن الفتيس الأوتوماتيك والكماليات لا يستحق فرق السعر (14-26 ألف تقريبا) وفي الآخر الجانب المادي يعود لحضراتكم ومدى اقتناعكم بأهمية الكماليات والفتيس الأوتوماتك عموما.

- جميع الفئات لها نفس الأبعاد والشكل الخارجي , ممكن الفرق الوحيد في الهاي لاين يوجد تطعيم كروم لمقابض الأبواب بجانب بعض التطعيمات في المقصورة بالداخل . الفتيس الأوتوماتيك بمجرد التعود عليه مش هيكون فيه مشاكل بإذن الله . بالنسبة للفوجات معمول حسابها وممكن تركبها في توكيل بيجو .

@نيفين: ولا يهم حضرتك مافيش مشاكل إطلاقا ولو عندك استفسارات تانية هكون سعيد إني أجاوبها . الجنوط موجودة في الأوتوماتيك بس مقاسها 15 في حين موجودة في الهاي لاين 16 انش Alloy ومقاس الإطارات 195/55R16 بس عموما ينفع يركب لـ301 جنط 16 عريض وأسبور 55R16\205

- الفوجات هي فوانيس الشبورة , دراع مالتي فنكشن بديل للتحكم في مستوى الصوت والكاسيت عموما ومكانه خلف الطارة :)

الف الف شكر علي السرعه في الرد والاهتمام يا باشمهندس ومعلش هتقل علي حضرتك وهسال كام سؤال 1-هل العزل جيد حتي سرعة 120كم/س؟ 2-هل صوت الموتور فعلا مبالغ فيه كما يقول البعض ؟3-هل في فئتها افضل من النيسان الشكل الجديد (مع عدم اهتمامي بالفتيس الاتوماتيك)؟4-هل تكييف العربيه جيد ام جيد جدا ام ممتاز ؟ هل العربيه تعيش معايا عشر سنين مثلا مع الاهتمام بالصيانه الدوريه وعدم التحميل علي الموتور ؟ اسف علي الاطاله ولكنها تحويشة العمر :)

أكيد حقك طبعا تعرف كل كبيرة وصغيرة بخصوص السيارة قبل شراءها , وواجبي توضيح كل الأمور حولها .
1. العزل ممتاز وكذلك ثبات السيارة حتى 140كم/س (شيء ممتاز جدا في هذه الفئة السعرية)
2. صوت الموتور موضوع اختلف فيه ملاك السيارة , غالبا كل على حسب سيارته السابقة ومقارنتها ببيجو 301 لكن عموما بعد فترة التليين تتحسن أوضاع الموتور واستهلاك البنزين وطبعا صوت الموتور يعتمد على عدة متغيرات مثل: طريقة قيادة حضرتك , تشغيل التكييف من عدمه , إقفال الشباك .. إلخ
3. لا مجال للمقارنة بين نيو صني مثلا وبيجو 301 , فروقات جوهرية واضحة بين الاتنين خصوصا صاج السيارة وفخامة تقفيل التابلوه وخاماته , قوة الموتور , التسارع والثبات على السرعات العالية كله لصالح البيجو !!

4. تكييف بيجو 301 ماركة ياباني من نوع دينسو وأداءه جيد جدا داخل المدينة وممتاز مع السرعات العالية (على طريق السفر مثلا) .

5. بشكل عام سيارات بيجو من السيارات المعمرة , لعلك تلاحظ موديل 504 من السبعينات والثمانينات ومنتشر حتى الآن رغم مرور أكثر من 30 سنة على تصنيعه!! وإن شاء الله ستثبت 301 اعتماديتها ومكانتها في السوق خلال الشهور القادمة .

بالتوفيق لحضرتك إن شاء الله ومبروك مقدما شراء السيارة :))

شكرا م.حاتم على ذوق حضرتك و احنا تعبناك معانا فى استفسارتنا عن العربيه..

السلام عليكم بشمهندس حاتم وشكرا لحضرتك على الردود الجميله
انا اشتريت 301 موديل 2014 الفئه الثانيه من السعوديه نظرا لانى اعمل هناك وكنت عايز اسأل عن الضمان هل يسرى ضمان السيارة عند الوكيل فى مصر ام لا ؟

@haitham darwish الشكر لله وياريت لو تخبرنا وصلت لفين في حجز السيارة والاستلام امتى بإذن الله ؟

وعليكم السلام ورحمة الله وبركاته , أولا مبروك على شراء السيارة وربنا يبارك لك فيها ويحفظها , ثانيا بخصوص الضمان فنعم بدءاً من 2013 تم تعميم الضمان بحيث يكون دولي وبإمكانك الاستفادة منه في أي دولة بها توكيل معتمد لبيجو

شكرا م.حاتم . انا لسه ما استلمتش بس اتصلت بالتوكيل قالولى ان فى شحنه توصل فى يناير .ربنا يسهل ان شاء الله

السلام عليكم ورحمة الله وبركاته - الاخ الي شاري السيارة من السعودية انت في اي منطقه علشان انا في مكه وناوي اشتريها

شكرا باش مهندس حاتم على الاهتمام .....والحمد لله انك طمنتنى لانى نازل مصر بعد سنه واحده والسيارة هتكون لسة فى الضمان ان شاء الله
الاستاذ محمد مصطفى ...انا فى جده واشتريتها من الوكيل طريق المدينه تقاطع شارع حراء مع طريق المدينه سعرها 44 الف الفئه التانيه + 850 ريال تامين ولوحات وتسجيل
على فكرة التعليق بيظهر من مجهول لانى مش عارف ازاى اعلق بالاسم
عامة شكرا على المعلومه واسف على الاطاله
د/ هانى

هل السياره 301 بها نفس المحرك و علبة التروس الموجود بالسياره 408 ؟ .. لقد كان لي تجربة قياده للسياره 408 و أريد تقييم أداء ال 301 قبل إتخاذ القرار .. معي سياره تويوتا ياريس 2008 مانيوال رائعه و لكن لم أعد أتحمل الجير المانيوال في شوارع مصر المحروسه :) و 301 سعرها رائع .. أرجو الإفاده و شكرا"

باشمهندس حاتم .. حاليا انا المفروض هشتري عربيه جديده من بين نيسان صني 2014 او رينو لوجن 2014او شيفروليه اوبترا 2014 او بيجو 301 2014 ...... اشتري انهي وااحده وليه ؟ ارجوك سااعدني لاني محتاااااار جدا ..

الأخ أحمد البطل ..والدي كان يمتلك السياره رينو لوجان , فقيره جدا" و قيادتها غير مريحه بالمره و إنتهى الأمر بحادث على أحد الطرق المتفرعه من الطريق الزراعي حيث إصطدم والدي بشجره و بعد نزوله سالما" من السياره سمه صوت يصدر منها و بدأ يتصاعد الدخان من الكبوت ثم إحترقت مقدمة السياره بالكامل دون أي سبب .... أنا كان لي تجربة قياده للشيفروليه و لم أعجب بها إطلاقا" .. ربنا يهديك إلى الإختيار الأفضل .

a lot of bad comments about the 301 and the after sale service on "peugeot fans in egypt" group on facebook ... !!!

السلام عليكم ورحمة الله
انوى شراء بيجو 301 لكن البعض يشير الى ضعف تكييف السيارة، فهل هذا صحيح؟ النقطة الثانية ما هو الفرق بين عجلة القيادة الهيدروليكية فى البيجو والالكترونى فى تيوتا كرولا؟
د. سمير ربيع

@haitham darwish: ربنا يعينك , تستلم على خير بإذن الله .

@د. هاني : شكراً لحضرتك على نقل خبرتك وبالتوفيق لحضرتك إن شاء الله .

@mostafa hammouda: لست متأكد بخصوص الماتور , إن كان بيجو 408 لها نفس ماتور 307 فكذلك 301 لكن مع بعض التحديثات والتعديلات , الفتيس غالبا واحد (ستيب ترونيك 4 نقلات).

@ahmed albatal: بالنظر إلى إمكانيات وتجهيزات الأمان في كل من الخيارات المتاحة , بكل تأكيد يقع الاختيار على بيجو 301 بدون تحيز , والمقارنة على أرض الواقع خير دليل!

@mostafa hammouda : غالب الظن الموضوع بقى فيه حاقدين من ملاك سيارات أخرى نظرا لانتشار 301 وبدء ظهور 508 بشكل أكبر من السابق , توكيل بيجو تحسنت أوضاعه كثيرا مؤخرا وذكرت ذلك في تعليق سابق هنا .
جايز بردو تكون حالات فردية مع مركز معين ... بالذات أبو رواش .

@د. سمير: وعليكم السلام ورحمة الله وبركاته
مشكلة ضعف التكييف ظهرت منذ شهور عند بعض الملاك وتم حل المشكلة بتحديث السوفتوير في مركز الصيانة .

بخصوص الفرق بين عجلة القيادة فالمعذرة سأوضحه لاحقا بإذن الله لضييق وقتي حاليا .

لو سمحت يا باشمهندس كنت عاوز اعرف ......ال301 لها ضمان ولا لا؟ انا العربيه اتخبطت منى هل تدخل فى الضمان ولا ايه؟ العربيه عملت 5000 ك.........ويا ترى لو هعملها على حسابى هتكلف كتير فى التوكيل ولا ايه؟

قدر الله وما شاء فعل , ربنا يكون في عونك .

أكيد طبعا لها ضمان , لكن يتعين عليك زيارة مركز الصيانة لتحديد ما إذا كان التصليح ضمن الضمان أو تتحمل تكلفتها , التصليح داخل التوكيل عموما لو على نفقتك مكلف أكثر من التصليح بالخارج .

ايهما افضل 301 او اوبترا ارجو الرد للاهميه و شكرا

الأوبترا عربية ممتازة واقتصادية بس في نظري راحت عليها والشكل ثابت من سنوات كذلك الحال مع اللانسر , الفارق السعري بينها وبين بيجو 301 ليس بالكبير في مقابل الحصول على ماتور أقوى وثبات أعلى وتجهيزات أمان أفضل لصالح البيجو ... حتى تجهيزات الرفاهية أفضل في بيجو 301 (بالتحدث عن أعلى فئة)

صلي استخارة وعاين بنفسك كل من السيارتين وربنا يوفقك للاختيار الأنسب .

شكرا جدا يا باشمهندس و معلش احنا متقلين عليك ربنا يبارك فيك
طاب ايه راى حضرتك فى الفئه الاوله هيه على قد فلوسى

انا استلمت بس هى فيها حاجه العربيه لما بدوس فرامل ال(r p m) بعد مابينزل على الواحد بيرفع تانى لوحده (العربيه عملت 600 كيلو) هو ده طبيعى ولا ايه ؟؟؟

- ولا يهمك يا ريس مافيش مشاكل , المهم تكون مقتنع تماما بالسيارة اللي هتقدم على شراءها :))
بخصوص الفئة الأولى فالمميز في بيجو اهتمامها بتوفر عوامل الأمان في جميع الفئات, هتفرق معاك في الفتيس الأوتوماتيك وإمكانيات الرفاهية مش أكتر , وبعدين ممكن لو حبيت تضيف أي حاجة زي السماعات أو الفوجات مثلا تروح التوكيل في أي وقت . ربنا يكرمك وتستلم على خير .

@ا.أحمد خواجه: بخصوص اللي بيحصل مع حضرتك , أنصحك بالتوجه لأي مركز صيانة معتمد لفحص المشكلة والتأكد من السبب , خصوصا لو بيحصل اندفاع للعربية يصاحبه ارتفاع في صوت الماتور , الاحتمالات كثيرة .. لازم تعرض السيارة على مهندس الصيانة للتأكد من سلامة السيارة وإن شاء الله خير .

السياره موجوده فى المملكه العربيه السعوديه 50000 ريال فل كامل موديل 2014 وبفكر اشتريها ممكن لو تكرمتوا اعرف الجمرك كام

لمتابعة قيمة الرسوم الجمركية لبيجو 301 2014

http://egycarsshow.blogspot.com/2014/02/Peugeot-301-2014-customs.html

إنشاء الله أنوى شراء بيجو 301 الهاى لاين و لكن لدى تخوف كبير لانى سمعت عن وجود عيوب فى الفتيس الأوتوماتيك فى كل موديلات البيجو و يحتاج لتغيره بعد عامين من الإستخدام ، فهل هذا الكلام صحيح و هل يوجد نفس العيب فى البيجو 301؟
شكرا

أنا سألت على بيجو 301 فى مصرأوائل يناير 2014 ولكن لم أجد سوى الهايلاين.هل ممكن أجد ال Baseline لإن سعرها انسب لى وخصوصا انها اوتوماتيك. شكرا

لو سمحت يا باشمهندس حاتم...
الفئتين الاولي و التانية.. فيهم اية من وسائل الامان دي ESP-EBD-ABS لان كل سيات بحاجة شكل..!!
كمان هل المستور ف الفئتين دول. ويولد نفس قوة الحصان زي الفئة الأعلي (١١٥ حصان) و لا أقل..؟؟
شكرا.... :-)

- ممكن حضرتك تقصد مشكلة الفتيس (DSG) الموجودة في سيارات فولكس الجديدة واوكتافيا A7 , المشكلة لا علاقة لها تماما بموديلات بيجو . بعض الشكاوى كانت من وجود نتشة في 301 بين الغيارين الأول والثاني واختفت في الدفعات الجديدة . إن شاء الله لا تقلق من موضوع الـgearbox نهائيا .

- فعلا فئة الهاي لاين أكثر توفرا من باقي الفئات في 301 , عموما حجز أي فئة من الوكيل يستغرق مدة أقصاها 10 أسابيع وتستلم الفئة واللون المطلوب . كبديل آخر: يمكنك شراء أي فئة واستلامها فورا مع وجود زيادة في السعر في معارض مثل "أوتو سمير الريان , الليثي , الأحمدي موتورز , أباظا ..."

@Ramy Ayad: جميع الفئات بها نفس تجهيزات الأمان ونفس المحرك .

ايهما افضل بيجو301 ام سكودا رابيد وبدون تحيز لانى شايف سياتك متحيز للبيجو301 وشكرا

حضرتك مش موضوع تحيز , موضوع لما تقارن بيجو 301 بسيارات أخرى في فئتها تكون المقارنة في صالح البيجو في معظم إن لم يكن كل جوانب المقارنة . (صاج محمل - عوامل أمان - جمال تصميم - قوة محرك - كماليات ورفاهيات - خامات التقفيل ..الخ) فانا مقتنع -شخصيا- ان سيارة مثل بيجو 301 صفقة رابحة مقابل سعرها وياريت حضرتك تقترح لي سيارة في نفس الفئة منافسة للبيجو ((مع العلم ان ستروين سي إليزيه شقيقة بيجو 301))

بالنسبة لسكودا رابيد فهي ممتازة لكن ما زلت مقتنع بتفوق البيجو 301 لعدة أسباب:
1. سكودا رابيد حتى اللحظة كل فئاتها مانيوال .
2. أأقل فئة من رابيد أغلى من أعلى فئة 301 بما يقارب 5 آلاف جنيه مصري .
3. الأبعاد تقريبا متساوية مع فارق الطول لصالح الرابيد لكن العرض لصالح 301 وبالرغم من ذلك كلا السيارتين يتميز برحابة الصالون الداخلي .
4. في سكودا رابيد عدم إمكانية السائق في التحكم في فتح وغلق الزجاج الخلفي لوجود الأزرار بالخلف فقط (لا أعلم الحكمة في ذلك) !!
5. محرك سكودا رابيد 1.6 TDI 105hp ومحرك بيجو 301 VTI 1.6 115hp
6 . تتفوق أعلى فئة من الرابيد في الكماليات مثل: مصابيح زينون بتقنية AFS متحركة عند المنحنيات , وجود سقف بانوراما , تعتيم للمرايات , حساسات المطر الإلكترونية , أماكن تخزين متعددة , خاصية توزيع العزم (MSR) وبرنامج الثبات الإلكترونى (ESC) أيضا السيارة مزودة بزجاج ملون لتأمين عزل حرارى وحماية أفضل من الأشعة الفوق بنفسجية داخل المقصورة ...
7. رابيد حصلت على 5 نجوم فى اختبارات السلامة الأوروبية

الخلاصة , لو كنت من هواة قيادة المانيوال , وبإمكانك شراء أعلى فئة بمبلغ 160.000 جنيه فتوكل على الله واقتني رابيد

الاختلافات الموجودة بين 301 ورابيد قد لا تشكل عيوبا لدى البعض وليست مبررا لوجود فارق السعر الكبير بين السيارتين ولذلك نلحظ جميعا انتشارا متزايدا لبيجو 301 في حين قلة انتشار رابيد !!

الموضوع متروك لقناعة حضرتك الشخصية , وأي السيارتين اخترت فمبروك عليك وربنا يسعدك بيها ويحفظهالك . أشكرك على سعة صدرك :))

باشمهندس حاتم لو سمحت هو فى 2015 نزل من البيجو301؟؟ ولا مفيش؟؟

على حسب كلام الزملاء اللي استلموا خلال الشهر الحالي ورق العربية بالكامل 2015

بعد اذن حضرتك هل الهاى لاين 301 فيها كميرا خلفيه

وهل فيه موقع لصور 301 هاي لاين من الداخل وشكراً

midoo111
لا توجد كاميرا خلفية في بيجو 301 وهو مطلب صعب تحقيقه في هذه الفئة السعرية , لكن يتوفر في السيارة Parking sensor

بالنسبة لـInterior الخاص بالهاي لاين فهو نفس الموجود بالصور مع اختلاف الـ GearBox فقط
عموما سأحاول توفير فيديو يعرض المقصورة الداخلية للهاي لاين قريبا .

باشمهندس .. مقارنة مع الفيات لينيا .. ما رأيك ؟؟
تنصح اجيبها من مصر ولا من السعودية .؟؟ على الرغم ان سعر الفئة الاتوماتيك #2 مع الجمارك "بناء على السعر المذكور فى لينك سابق عن تكلفة الجمارك بتاعتها" هيكون اعلى من سعر الهايلابن فى مصر ؟؟

شكرا جزيلا
عبدالرحمن

فيات لينيا ماشاء الله سيارة إيطالي واختيار ممتاز ويتم تقفيلها -على حد علمي- في تركيا كما الحال في كورولا 2014 وهذا ملخص لبعض النقاط في السيارة:
- ماتور ممتاز 1600 سي سي بقوة 110 حصان (فيه 1.4 تربو لكن ماعنديش معلومات عن توافره)
- فتيس Dualogic (أوتو & مانيوال) مكون من 5 سرعات وميزته إنه بيعطيك نفس قوة السحب بتاعت المانيوال وبيسعف جامد في الكيك داون , الغريب فيه عدم وجود الوضع P !!
- استهلاك البنزين موفر بشكل ملحوظ .
- عوامل الأمان تم الاهتمام بها بشكل ملحوظ من ABS, EBD, Airbags وتدعيم مقدمة وقوائم وأبواب السيارة بدواعم فولاذية وعزل المقصورة الداخلية ضد الصدمات .
- ثبات عالي في نفس مستوى الألماني .
- لم تطرأ تغييرات جذرية في الشكل منذ 2007
- التوكيل كويس في حالة البيجو أو الفيات
- السعر أغلى للفيات

بالنسبة لشراء السيارة فأسهلك وغالبا أوفرلك تشتريها من مصر , حتى لو على حساب الكماليات لكن تشتري راحتك وتتلافى أي مشاكل مع التوكيل عند الصيانة .

قرأت ردود حضرتك يا بشمهندس على كل الاستفسارات و التعليقات و اسمح لى أبدى اعجابى باهتمامك و معلوماتك الغزيرة
اقود نيو أكسنت من 2009 للآن و أرى ان التغيير قد حان و لكنها بصراحة سيارة رائعة لدرجة أنها تجعلنى أفكر ألف مرة فى الخطوة القادمة فى حدود ال 130 ألف أو أقل أو أكثر و لكن ليس بكثير أستعرض السيارات الكبيرة فوجدت كيا سول و تيجو مناسبين فما رأيك بهما و قبل الآن كنت أفكر فى السيدان فى لانسر شارك فقط و لكن كلامك عن 301 قد يجعلها تكون اختيار أول قبل شارك فما رأيك فيها أيضا و أأسف على الأطالة و لكن حسن ظنى بسعة صدرك شجعنى على ذلك و جزاكم الله كل خير

انا محتار بين ال ٣٠١ و السيتروين اليزيه لان الاليزيه شكلها عاجبني اكتر ف ايه راي حضرتك ؟
كمان عايز اعرف الاختلافات في ال٣ فئات بين العربيتين وشكرا جزيلا مقدما

لو سماحت يا بشمهندس اولا احب اشكرك علي الردود كان في شخص عمل تعليق و قال لحضرتك ممكن رايك بدون تحيز و حضرتك قولتلو قولي اي نوع عربية بمستوي البيجو 301 انا في رأي ان النيسان صني 2014 السوبر سالون الشكل الجديد فيها حجات ازيد من البيجو 301 زي موزع التكيف الخلفي و حامل الاكواب الخلفي و انظمة الامن من الداخل كثيرة و ايضا يوجد بها بلوتوث للرد علي الهاتف و تعلية الصوت ايضا كل هذا في مستوي البيجو ويمكن ازيد شويا فأنا جبت لحضرتك عربية بشتوي البيجو 301 واتمني ان استفيد بخبرتك بمن الأفضل وشكرا جزيلا جدا لك

Ahmed Saleh
حضرتك بتقارن بين أكثر من سيارة في فئات مختلفة , عليك أولا أن تحسم المقارنة في فئة معينة مثل الـSUV أم Sedan وطبيعة استخدامك للسيارة , طريقك .. الخ

Eng Abed
الفرق بين السيارتين يكاد يكون ملحوظ في الشكل الخارجي فقط ومقاس الإطارات في الهاي لاين , بخصوص الفروق بين الـ3 فئات فتفضل بمراجعة التعليقات السابقة

Zezo Hesho
لي عدة تحفظات على نيسان نيو صني لذلك استبعدها من المقارنة , ببساطة لعدة أسباب ترجح كفة البيجو 301:
1) جودة وخامات التقفيل خصوصا تابلوه السيارة والمقصورة الداخلية .
2) تقفيل البيجو أسباني , تقفيل الصني هندي مصري , وحدث ولا حرج (راجع ) !!
3) الشكل الخارجي قطعا البيجو أكثر جاذبية
4) ثبات واتزان بفضل تصميم Aerodynamic بجانب قوة ماتور .
5) أكثر من شكوى بخصوص تيل الفرامل والطنابير في صني والعجل .
6) شخصيا شايف ان البيجو عربية معمرة بدليل وجود 504 مو 79 شغالة حتى وقتنا الحالي ومش بعيد يكون عدادها معدي المليون :))

وعشان أكون حيادي لازم أوفي الصني حقها :
1) سهولة في الصيانة وتوافر أكثر لقطع الغيار .
2) إعادة البيع أسرع .
3) توافر الرفاهية وعوامل الأمان تقريبا متساويين .
4) صالون داخلي واسع
5) استهلاك موفر للبنزين
6) توكيل نيسان من أقوى التوكيلات في مصر ويهمه جدا رضاء العميل .

نصيحة: لازم تعاين العربية بنفسك وتركب الاتنين وتشوف الفروقات مابينهم , وفي الآخر عملية الشراء راجعة للراحة النفسية ومدى رضاءك عن إمكانيات ومواصفات السيارة مقابل ثمنها.

موفق في اختيارك بإذن الله وأشكرك على سعة صدرك .

عندى سؤال لو سمحت يابشمهندس وعايز من حضرتك رد
عايز اشترى عاربية بيجو 301 اوتوماتيك هاى لاين وفى ناس خوفتنى منها وقلتلى مش عملية
وعايز ايضا اعرف سعرها كام وموصفاتها
شكرا جزيرا لسعة صدركم

شكرا ياباش مهندس عندي بيجو 301 م 2014وﻻحظت بعد 3500 كيلو نقص في زيت المحرك وذهبت للتوكيل وقام بزيادة كمية زيت الموتور وقال تعال بعد ال 10000 كيلو مع العلم اني استلمتها جديده ولم اقوم بعملية التليين على طول سرعات عاليه ... سؤالي لحضرتك هل النقص البسيط في الزيت طبيعي وتحياتي لك

- الأوروبي فيه منه مخاوف دايما في الشارع المصري , ياريت لما تسأل حد يكون من ملاك العربية مش مجرد سمع عنها وما يعرفش عنها أي تفاصيل !!
بالنسبة للمواصفات والأسعار فمكتوبة في المشاركة الأولى .

- حضرتك غلطت بإهمالك لعملية التليين رغم أهميتها , عموما النقص البسيط في الزيت مافيش منه مخاوف بإذن الله بشرط الموضوع ما يتطورش عن كدا .. ولو حسيت بأي حاجة ماتفكرش واحجز على طول لفحص السيارة . ربنا يحفظهالك من كل سوء ويسلم طريقك :)

انا كان قصدى يا باشمهندس آخد رأى حضرتك فى التيجو 2014 الشكل الجديد لأنها عاجبانى بصراحة امكانتيت و سعر و مناسبة لطرق البلد و سامع عنها خير بس مشكلتها ان مافيهاش اوتوماتيك لحد الآن فأنا نويت أنتظر لحد مايظهر هل 2015 ان شاء الله هيكون فيها اوتماتيك و لا لأ و لو كان لأ هاتوكل على الله فى البيجو 301 الهاى لاين لسبب عجيب جدا و هو مخدع الذراع و اللى بصراحة مستمتع بيه جدا فى النيو أكسنت ايه رأى حضرتك فى التيجو عموما و هل الكيا سول من نفس فئتها و لا لأ ؟

بالفعل كل من تيجو وسول ينتميان لفئة "crossover" مع الفارق السعري الكبير في كيا

* بالنسبة لسبرانزا تيجو:
- عربية بشكل 4×4 وارتفاعها ممتاز عن الأرض .
- تقفيل وخامات داخلية ضعيفة أقل من الأوروبي والكوري. (ولو إنها تم تحسينها في الشكل الجديد)
- ماتور ممتاز وموفر للبنزين .
- عوامل الأمان مقبولة في السيارة
- إجمالاً العربية إمكانياتها أعلى من سعرها وده الحال في معظم العربيات الصيني .

* بالنسبة لكيا سول:
- Interior داخلي غاية في الرقي وخامات جيدة .
- محرك مزود بتقنية CVVT لرفع قدرة الماتور حتى 130 حصان .
- فتيس أوتوماتيك من 6 سرعات .

من وجهة نظري , كيا سول شكلها الخارجي غير مقبول وسعرها مبالغ فيه -كعادة الكوري- ومش واسعة كفاية كسيارة عائلية!! وفي اختيار أفضل هو دايهاتسو تيريوس ممكن تحطها ضمن المقارنة.

بردو الأقرب للمقارنة كيا كارينز الشكل القديم في نفس الفئة السعرية لتيجو (غالبا مستعملة بس هتراعي mileage وهتكشف عن السيارة في التوكيل وتشوف حالتها)

معليش لو حيرتك بكثرة الاختيارات , بس حضرتك حاول تشوف كل البدائل المتاحة على أرض الواقع قبل اتخاذ قرار الشراء مع ترتيب أولويات استخدامك واحتياجاتك في السيارة .

انا متشكر جدا لذوق حضرتك و ردك الوافى اللى غنى بالمعلومات كعادتك و اللى محيرنيش و لا حاجة لكن أكد لى ان اللى شايفة فى التيجو فى محله لأن التفكير فى ركوب مستعمل بعد ركوب الزيرو صعب شوية و لاحظت فعلا ان سعر الكيا الزيرو غالى عن نظيراتها الكارينز كانت اختيارى الأول بس لما غيرت شكلها غليت فى السعر جدا و ملاحظ عدم ارتفاعها الكافى عن الأرض أما التيريوس فيها فئات كتييير و السعر غالى للفئة المناسبة لى لأن انا امكانياتى هتكون فى حدود 130 لحد 140 ان شاء الله و هى مع اختى و اعتقد ان التيجو اوسع منها و اكثر ثباتا بس مشكلتها ان شكلها الجديد مانيوال فقط حتى الآن و انا هانتظر لما اشوف 2015 حتكون فيها اتوماتيك و لا لأ و لو عند حضرتك فكرة ياريت تبقى تبلغنى و لو محصلش يبقى الاتجاه الى 301 فورا ان شاء الله و جزاكم الله خيرا

السلام عليكم يا بشمهندس
انا د. هانى كنت علقت هنا من حوالى 3 شهور تقريبا انى اشتريت سياره 301 الفئه التانيه اتوماتيك من السعوديه
السيارة عجبانى جدا شكلها جميل وواسعه من جوه وعاليه عن الارض وقويه
بس فيها مشكله ان لما ادوس فرامل وخاصة لو ضغطت فجأة فبل ما تتوقف تماما السيارة بتترج جامد وال RPM بيرفع تانى والسيارة تندفع شويه للامام ولازم ازود الضغط على الفرامل لدرجه انك تحس انك نتبذل مجهود علشان توقف السياره ودة بيحصل برضه حتى لو ما دوستش فجأة على الفرامل ..وبحس ان فيه تأخير شويه علشان تنقل من غيار لغيار يعنى ال rpm يعلى فى نهايه الغيار وينزل مره واحده مع ان السيارة اوتوماتيك كما ذكرت
رحت التوكيل بعد 5 الاف كيلو عمل تحديث للسوفت وير بس فضلت نفش المشكله وقاللى كل ال 301 كدة وده طبيعة فيها وحاول تتأقلم عليه
بصراحه المشكله دى زهقتنى فى السيارة مش عارف اعمل ايه ؟ يا ريت لو لها حل تدلنى عليه وخاصة الاندفاع للأمام قبل التوقف
مشكله التاخير فى نقل الغيار ده ممكن تتأقلم عليه بس مشكلة التوقف ده صعب
شكرا لحضرتك ومعلش طولت عليك

lancer EX shark 2014 or peugeot 301 highline 2014

هل استطيع تركيب جنط اعرض للعربية وما هو اكبر مقاس ممكن

يعنى 301 كويسة وﻻ ايه انا احترت انا عايزة اشتريها بس فائة تانيه وياترى تستهل ان الهاى لاين تبقى بالسعر ده

سلام عليكم باشمهندس ... حابب بعد اذنك اعرف تقييمك ورأيك لسياره جيلي ام جراند اي سي 8 .. هي لسه مانزلتش بس انا متابعها جدا ومستانيها تنزل .. او رايك عموما ف جيلي سواءا كانت اي سي 7 او 8 ؟؟؟؟ الرجو الرد وشكراااااا جزيلا ‎

لو سمحت يا باشمهندس انا حاجز 301 اتوماتيك بايزلاين وبفكر اغير واجيب الهاى لاين وعاوز اعرف كام الفرق فى السعر مابين الاتنين وهل الامكانيات فى الهاى لاين تستاهل الفرق دا ف السعرولا لأ؟؟ شكرا

بيجو 301 اجمل سيارة وامكانيات جبارة خصوصا الهاى لاين انا اشتريتها موديل2015 جمييييييييييييييلة جـــــــــــــــــــــــــــــــــــــــــدا وعملية مع انى مامشتش بيها كتير لكن السواقة ليها متعتها معاها وانا لسة العربية فى اتليين فلو سمحت ياباشمهندس قولى احسن طريقة للتليين للمحافظة على السيارة

الاكصدامات فبر و لا بلاستيك؟

ممكن أعرف رأيكم في اكسنت 2015 خاصة انها في نفس الفئة السعرية

د/ هانى برجاء عرض تجربتك مع 301 وخاصة انى افكر جديا فى شرائها وفية حد عندة فكرة موديل 2015 هينزل امتى فى السعودية ورجاء يابشمهندس تقولى رايك فى مازدا 3 وخاصة انى ركبت العربية وحاسس انها كويسة جدا وافضل من البيجو لكن خايف اشتريها وماعرفش اعملها صيانة او الاقى قطع غيار للمازدا

يا باشمهندس لو سمحت الاكصدامات فبر و لا بلاستيك؟ ثانيا نوع البنزين ايه؟ انا قريت أنه المفروض نستخدم بنزين 95 أو 98، الكلام ده صحيح؟

نوع البنزين من 91 الي 98 و لكن هناك سؤال اخر، عند سؤالي للمهندس الذي قام بتسليمي العربة في توكيل أبو رواش عن تليين العربة أفاد أن العربات الأوروبي يتم تليينها في المصنع بعكس الكوري التي يجب ان يقوم المشتري بتليينها، و الدليل علي عدم حاجتها للتليين انه لا يجري بالتوكيل صيانة بعد 1000 كم الأولي و انما هناك صيانة بعد 2500 كم و لا يتم فيها تغيير زيت المحرك الذي يتم تغييره لأول مرة فب صيانة 10000كم، أفيدونا بالرأي، مع الشكر.

الاستاذ احمد
تجربتى للسياره 301 شايف انها كويسه جدا واجمل من سيارات نفس الفئه السعريه زى الكيا ريو والمازدا 3 والياريس واللانسر مع العلم انها اقلهم سعرا ( تقفيل التابلوه فى الكيا والمازدا افخم من ال 301 بس انا شايف انه معقول )
المشكله الوحيده اللى فيها موضوع الاندفاع للامام قبل التوقف دة والتأخير فى نقل الغيار بالنسبه للجير الاتوماتيك وأتمنى انهم يلاقو له حل قريب ...فيما عدا ذلك السياره جميله جدا وواسعه وشكلها الخارجى قيم جدا وممتاز
بالتوفيق فى الاختيار ان شاء الله

شكرا د/ هانى فعلا ملاحظاتك فى محلها لكن انتة اشتريت من فرع حسين رضا اللى فى الخبر ولا فين واية مواصفات العربية اللى انتة اخدتها فيها جنوط ولا مفيهاش عملك تظليل الموظف فى فرع الرياض بيقولى هاعملك تظليل حرارى مجانا مش عارف اشترى من اى فرع

ممكن اعرف رينو لوجان 2014 ولا بيجو 301 موديل 2014 احسن للفئه المنيول

من فضلك عاوز أعرف معارض البيع للبيجو 301 الخليجى و فين بتكن مراكز الصيانة ؟

لو سمحت يا م حاتم انا محتار بين بيجو 301 هاي لاين و هيونداي النترا 2014 الفاضية تنصحني ب اية شكرا

اكتر من حد بيشتكى من بيجو 301 وبيقول التوكيل مش كويس خالص موضوع نقل الغيار وموضوع الاندفاع قبل الوقوف وموضوع رجه جامده عند الشرعه 100
ياريت حد يفهمنا الكلام ده

ايهم افضل الجين 2 ام البيجو 301 مانيوال بيزلاين؟ الاتنين بنفس السعر 110الف جنيه
اريد مقارنة من حيث الموتور واقوة التكييف والكماليات وقوة الصاج والثبات وصوت الموتور

اراي ان السياره 115 حصان و 1600 سي سي و هي نفس امكانيات ال opel astra فلماذا هذا الفرق الكبير في السعر ؟ّ!!!! علما بان Astra ب 185000 جنيه
ارجو الرد بسرعة يا شباب

السﻻم عليكم لو سمحت يا باشمهندس حاتم انا مروه وناويه ان شاء الله اشتري البيجو 301 بس ﻻحظت من التعليقات ان فيه مشكله في العربيه اﻻتوماتيك موضوع اﻻندفاع للامام قبل التوقف والتأخير فى نقل الغيار بالنسبه للجير الاتوماتيك لما ادوس فرامل والرجه اللي بتحصل وال RPM اللي بيعلى فى نهايه الغيار وينزل مره واحده سؤالي بقه هل ده بيحصل برضه في السيارة المانيوال عشان انا ناويه بإذن الله اشتري مانيوال وايه العيوب الموجوده في المانيوال ،،، شكرا واسفه على اﻻطاله

مشكلة البيجو ٣٠١ تيل الفرامل لازم يتغير كل ١٠٠٠٠ ك لية معرفش

السلام عليكم-كل هذة الاسألة جميلة ومهمة جدا-ولكن كللكم نيسيتوا تسالوا عن عيب مهم فى السيارة 301 وهوا اماكن التخزين -العربية فقيرة جدا فى اماكن التخزين الداخلية يعنى التبلوة مفهوش اماكن لتخزين شيى -والشيء التانى ان الصالون مفهوش لمبة فى منتصف السقف للانارة الخلفية-ومفهاش كمان طفاية سجاير فى الجزء الخلفى -ولا مسند فى منصف المقعد الخلفى-مش عارف لية كل النواقص دية مع انى حاجز الاى لاين ومفهاش بردة-ارجو الرد-شكرا

السلام عليكم باشمهندس حاتم
أيهما تفضل لي 408 ، أم 301 ، ولماذا. ولماذا لا أجد 408 في مصر 2014 ، وهل تتوقع توافرها قريبا؟

لقد اشتريت 301 موديل 2015 من سمير ريان ولاحظت ان الصالون الخلفى فاضى من اى انوار وان الفرامل فيها اندفاع مش عارف ايه السبب هل ارجع الى التوكيل ولا هذا عيب فى السيارة

السلام عليكم بعد اذنك يا بشمهندس انا محتار جدا بين اللوجان 2015 وال301 برغم ان الفرق بينهم في السعر مش كبير فهل تستحق ال301 اني ازود شوية في الفلوس واجيبها ؟!
ثانيا لو قارنا البيجو 301 باللانسر (برضه فرق مش كبير في السعر) مين اللتي تكسب المقارنة .
عايز معلومات عن توكيل ال301 واسعار قطع الغيار واستهلاك البنزين والضمان وهل فعلا مفيش اضاءة داخل السيارة وفي الشنطه ؟!
وشكرا مقدما :)

انا اشتريت من اوتو سمير ريان, ولسة مارخصتش, اتصلت بخدمة عملاء بيجو صدموني وقاليلي العربية خارج الضمان لان سمير ريان مش موزع معتمد!!!! حد ينصحني, شكرا

عايشه أعرف لو سمحت هى فيها آخر باج جانبيه ولا لأ?

عايز اعرف لو هشتري 301 خليجي من مصر بيبقي ناقصها ايه عن الهاي لاين لاني اتصلت بالكموني وقال ان عنده الخليجي بسعر الهاف اوبشن

عربية محيرة جدا رغم المنهندس حاتم ما ذكريش العيوب الجوهرية اللى فى الفتيس والفرانل

م/ حاتم مختفي من فتره طوييييله لاني سبق وكتبت بعض الاستفسارات من شهر مايو ولم اتلق ردا عليها حتى الان وبصراحه بعد ما كنت متحمسه جدا لشراء السياره لكني الان تراجعت 100 خطوه للوراء لعدة اسباب اولا / مازلت اقرأ واسمع مشاكل عن نتشة الفتيس الاتوماتيكي لاني باتابع مشاركات الناس على نايل موتورز ، ثانيا / ابتدت تظهر مشكلة التيل اللي بيتغير على الكم 10000 ودا شئ من اغرب ما يكون ، كما ان لدي استفسار اخر الان .. هل الفتيس الاتوماتيك نوعه dsg لاني سمعت مشاكل بالهبلللل عن هذا النوع من الفتيس واللي من خلال قراءاتي انها مشاكل لاتزال موجوده حتى الان وان الافضل السيارات ذات الفتيس cvt مثل الفلورانس والهوندا والتويوتا ياريس وكورولا .. واسفه على الاطاله

أعتذر بشدة على الانقطاع المفاجئ , كل عام وأنتم بخير بمناسبة عيد الفطر المبارك

* فقط للإيضاح أنا لا أعمل لصالح بيجو أو أي ماركة أخرى والمقال ليس دعاية للسيارة وإنما لعرض مالها وما عليها .. بالطبع لن تضح أي عيوب في السيارة في بداية ظهورها بالأسبواق خصوصا السيارة لم تجرب لفترة كافية داخل أو خارج مصر لمعرفة مدى اعتماديتها .

تابعت عن كـثب جميع المشاكل والعيوب التي ظهرت مؤخراً في العديد من السيارات , يؤسفني رؤية توكيل بيجو في (مصر/السعودية/الجزائر) عاجز عن حل المشاكل الجوهرية المتعلقة بالأجزاء الميكانيكية وعدم التعاون مع ملاك السيارة حتى بالتواصل مع بيجو فرنسا للتوصل إلى حل..!!! جدير بالذكر أن بيجو فرنسا اعترفت بالفضيحة وبدأت في استدعاء ضحايا 301 في الجزائر نظراً لخلل في ماتور السيارة.
للتوضيح:: [بيجو 301 المطروحة في الجزائر 1200 سي سي ومختلفة عن الموجودة في مصر]

على أي حال , يبدوا أن مشاكل وعيوب بيجو 301 تتلخص في الآتي:
1. مشكلة تيل الفرامل وانتهائها في فترات شبه قصيرة تفاوتت مع الملاك كلٌ حسب استخدامه (نظراً لتقليل المواد المستخدمة في التيل Asbestos -وهي مواد مسرطنة- للمحافظة على المعايير البيئية العالمية , وقلتها تسبب احتكاك بين الجسم المعدني للاسطوانة وسطح الاسطوانة وبالتالي ضعف الفرامل وبطء استجابتها).

2. مشاكل في استجابة الفتيس الأوتوماتيك , ويبدوا أن ماتور بيجو 301 غير متوافق مع الجيربوكس الأوتوماتيك المزود بأربع سرعات وبحاجة حقيقية إلى غيار خامس!! لذلك نجد معظم الشكاوى من ملاك البيزلاين والهايلاين.

3. التكييف ضعيف مع السحب وارتفاع صوت الماتور خصوصا مع الحمولة الكاملة ودرجات الحرارة المرتفعة.

4. ارتفاع تكلفة الصيانات الدورية لسيارة من المفترض أن تنافس في الفئة الاقتصادية.

5. رغم إهمال وعدم احترافية التوكيل والموزعين في التعامل مع مشاكل بيجو 301 , ارتفع سعر السيارة لجميع الفئات 2000ج بدون مبرر!
-------------------------------------------------------------------------
طبعا التوكيل في مصر -للأسف- مهما يكون العيب يرد عليك "العربية محتاجة software update"

مشاكل الفتيس يمكن حلها مؤقتا بالقيادة على Manual mode حتى الوصول إلى حل فعلي ونهائي مع التوكيل .

وبعيداً عن مشكلة عدم التوافق بين الماتور والفتيس , السيارة لا تزال جيدة (((للاستخدامات المحدودة داخل المدينة))) بالرغم من أن المشاكل جوهرية لا يمكن التغاطي عنها لأن السيارة 1600سي سي ومن مُصنّع عريق وسعرها ليس بالقليل . لذلك أنصح جميع الملاك بالاتحاد معاً وتقديم شكوى في حماية المستهلك إذا استمر التوكيل على نفس المنوال حفاظا على حقوقهم.
-------------------------------------------------------------------------

كان الله في العون , بالتوفيق لكم جميعا إن شاء الله.

لو سمحت يا بشمهندس
انا محتار بين بيجو 301 VS مازدا 3
الإثنين موديل 2015 وهل عمر السيارتين يكون زي تويوتا
محتاج نصيحتك

قطعا اللي معاه إمكانيات تسمح له يجيب سيارة فوق البيجو يتوكل على الله , الفكرة باختصار البيجو 301 أول ما ظهرت في السوق المصري كان سعرها تنافسي جدا بالنظر إلى إمكانياتها.

لكن الوضع اختلف الآن مع زيادة السعر وتراجع سمعة الوكيل في حل مشاكل السيارة , لذلك توجد عدة بدائل أفضل في شريحة سعرية أعلى:
(مازدا 3 / لانسر شارك / تويوتا كورولا / شيرفوليه كروز / رينو فلونس) اعتمادية عالية وسحب وثبات ما شاء الله .

السلام عليكم .......م/حاتم
مجهوووود كبيييييييييييير جدا تسلم عليه

انا جربت العربية بيجو 301 امبارح ولاقيت حاجات غريبة يمكن علشان اول مرة اركب بيجو وانا متعود علي الياباني.

1- طبعا صوت المحرك عالي جدا ومروحة التبريد بتاخد وقت لما تفصل وده بيزيد من الصوت ...يمكن عادي

2- لما دوست فرامل جامد قولت بقي اختبرها حسيت وكان المحرك هيفصل مني ... يمكن علشان تسقيط الغيارات علشان العربية تقف بسرعة وهيه علي سرعة عالية برده يمكن

3- لما نقلت الجير من D, N, R حسيته بينتش شوية .... !!1

4- الكبيرة بقي
ال RPM ليه لما بكون دايس بنزين جامد واشيل رجلي من عليه مينزل بشكل طبيعي زي بقاي العربيات. وبياخد وقت لحد ما يوصل ل 2000 RPM

يا ريت لو حد قابلته المشاكل ده او حد عنده رد للاستفسارات يرد ويفهمنا

شكرا جدا

وعليكم السلام ورحمة الله وبركاته

فعلا الأوروبي وبيجو تحديدا نظامه مختلف بعض الشيء ومحتاج تعود مش أكتر , زي ما حضرتك ذكرت كل لما تقلل سرعتك الفتيس بينزل غيار من الرابع للتالت لحد ما يوصل للأول حسب ضغطتك للفرامل وده اللي اسمه (engine break) وبردوا ده السبب في الإحساس بأن العربية بتنط لقدام , لأن العربية أثناء تسقيط الغيار بتختار الغيار المناسب حسب RPM وممكن تقول أن العربية فيها lag time (ثانية تقريبا) عشان تفهم انت عايز تعمل ايه.

الإحساس بالنتشة بسيط وملحوظ أكثر في حالة الزحمة لما الغيار ينقل من 1لـ2 وحلها:
- تنقل للغيار المانيوال في الزحمة.
- تختار sport mode (هيأخر الغيار على RPM 4000 ويحرق بنزين)
- تزود ضغطتك للبنزين في الأول وانت طالع لحد ما ينقل للغيار الثاني .

بالمناسبة روح للتوكيل يتأكدوا من software العربية يكون آخر update .

بالنسبه لل RPM وانا علي ال step tronic بلاحظ ان و انا علي الغيار التاني ان ال RPM لما بيوصل 3 بيفضل يرقص شويه علي 3 وبعدين يزيد بالعافيه كانه بيحارب علشان يزيد وحتي صوت الموتور بيعلي و يوطي مع رقص ال RPM السوال هنا .. هل ده طبيعي ؟؟؟!!!!!

انا عندي الهاي ﻻين اشتريتها من السعودية بس في صوت اول ماشغل التكيف بعدين يختفي وصوت الماتور عالي جدا جدا

يا فندم نوع الفتيس في 301 auto adaptive بيحدد النقلة المناسبة حسب أسلوب قيادة حضرتك , الملاحظة الوحيدة على الفتيس انه عزمه عالي ومصمم للعمل على مواتير عزمها عالي فوق 1600 فحضرتك حاول تخلي النقلات على RPM 3.5

حل تاني ممكن حضرتك تجرب تمشي بـ snow mode لأن عزمه عالي وهيجيب الغيار التاني على طول خصوصا لو حضرتك ماشي في شوارع مزدحمة أو مكان كله مطبات ومدقات , لكن ما تخليش RPM يزيد عن 2.5 أو 3.0

@ممكن توضح الصوت زي إيه؟ صوت الماتور في فترة التليين طبيعي يبقى مرتفع ويبدأ يقل تدريجيا.

نظرة شاملة على السيارة بيجو 301
https://www.youtube.com/watch?v=RExUJ6AtNs4

نظرة شاملة على السيارة بيجو 301

https://www.youtube.com/watch?v=RExUJ6AtNs4

حد يعرف إذا كان تم اصلاح عيوب ال2014 في موديلات 2015

لو سمحت يا بشمهندس أنا بفكر أشتري 301 الهاي لاين و كنت عايز أعرف هل ما زلت تعتقد أنها الأنسب من حيث الفئة السعرية أو هناك بديل لها في نفس الفئة السعرية مع العلم أني لا خبرة لدي على الإطلاق في الميكانيكا و أخشى ألا ألاحظ العيوب التي ذكرتها أو ذكرها الأعضاء و بعد مقارنة أسعار قطع الغيار بين 301 و كيا ريو مثلا وجدت 301 أقل في معظم الأسعار برجاء الإفادة و جزاك الله خيرا على المعلومات القيمة التي أضفتها لي.

@Ashraf Omar: أشكرك على مشاركتك :)

@Amr Abd Rabo: موديل 2015 هو نفس 2014 مافيش تغيير غير إنهم شالوا غطاء الكنترول في موديل 2015 وبعض الملاك طالبوا التوكيل بتركيبه في أول صيانة.

@Mohammed Kamal

أكيد حضرتك تابعت كافة التعليقات السابقة وتابعت بمافيه الكفاية كل شيء له علاقة بـ 301
الأوروبي عموما فخامة وتقفيل نظيف وركوبة محترمة واهتمام بتجهيزات الأمان الأساسية. يعيبه انه نوعا ما معقد والتوكيلات في مصر ليست على كفاءة جيدة للتعامل مع تكنولوجيا السيارات الأوروبية المتطورة.
بردو اللي بيختار ماركة أوروبية مش بيفكر في موضوع إعادة البيع على المدى القريب , وإلا يختار الكوري لكثرة انتشارها وسهولة صيانتها أو الياباني لقوتها واعتماديتها.

بيجو 301 فيه مشاكل كانت حالات فردية , وفيه مشاكل مشتركة زي سرعة انتهاء تيل الفرامل وتغيير الطنابير بعد 40,000كم تقريبا. (الموضوع ليس مقتصر على 301 ولكن أي سيارة بها نوع bosch)

صلي استخارة وربنا يكرمك وتختار الأفضل ومبروك مقدما.

جزاك الله خيرا على سرعة الرد انا فعلا مش بفكر في إعادة البيع الآن و خصوصا اني ان شاء الله هشتريها بالتقسيط و انا فعلا بعد اللي قرأته مش لاقى أفضل منها في الفئة السعرية و بالامكانيات دي.
انا صليت استخارة وربنا ييسر إن شاء الله و شكرا للمساعدة

هل المانيول فيها نفس المشكال ؟ برجاء التحديد ... جزاك الله عنا خيرا يا بشمهندس وياريت ترد على بعض الأسئلة اللي فوق .. زي كيفية التلين .. الضمان هل لابد ان اشتري العربية من موزع معتمد و اعرف ازاي.... التوقف والتأخير فى نقل الغيار بالنسبه للجير الاتوماتيك لما ادوس فرامل والرجه اللي بتحصل وال RPM اللي بيعلى فى نهايه الغيار وينزل مره واحده سؤالي بقه هل ده بيحصل برضه في السيارة المانيوال عشان انا ناويه بإذن الله اشتري مانيوال وايه العيوب الموجوده في المانيوال ،،، شكرا واسفه على اﻻطاله

وبردو تغيير تيل الفرامل و الطنابير المانيول زي الاتوماتيك ... و ماهي الطنابير و ما هو الغطاء الالكتروني .؟ شكرا جدا :)

أهلا بحضرتك ...

المانيوال مافهاش مشاكل الأوتوماتيك أو بمعنى أصح التعامل مع الفتيس المانيوال أسهل لأنك بتتحكم فيه مش كمبيوتر السيارة , يعيب المانيوال انك هتتنازلي عن كماليات مثل Parking sensor, fog light, automatic air conditioning, multifunction ومافيش مسند للمقاعد الأمامية ولا سماعات خلفية. لينك يوضح الفروقات بين المانيوال والأوتوماتيك
http://www.peugeot-eg.com/news/peugeot-301reveal-1/

بخصوص التليين فيه موضوع مستقل فيه نصائح الشراء والتليين
http://egycarsshow.blogspot.com/2013/10/Advice-Softening-New-Car-Usage.html

شراء السيارة الأفضل يكون من خلال الوكيل الرسمي لبيجو أو أحد الموزعين المعتمدين مثل أباظا أو الطارق.

تغيير تيل الفرامل الموضوع مشترك بين كل الفئات وجميع السيارات التي تستخدم نوع bosch لأنظمة الفرامل.
الطنابير عبارة عن اسطوانة من الحديد يركب عليها جنط السيارة ومثبتة بمسامير , وظيفتها الاحتكاك مع تيل الفرامل (عند الضغط على دواسة الفرامل) لإيقاف السيارة. أعراض تلف الطنابير الإحساس برجة عند الضغط على الفرامل على سرعات فوق 100كم/س وبيشعر بيها السائق في الـ steering wheel
وحل المشكلة إما تغيير الطنابير أو خراطتها في ورش الخراطة لإزالة التعرجات من سطح الطنبورة.

أأقصد بالغطاء هو غطاء الكنترول يونت موجود بجوار غطاء الماتور.

تحياتي للمهندس حاتم ممكن حضرتك تقولي بصراحة هل عيوب البيجو 301 التي اشارت اليها والتي عجز التوكيل عن حلها غلبت مميزاتها

المجمل السيارة ممتازة مقابل سعرها وكل الملاحظات يمكن التأقلم عليها , خصوصا مشاكل كثيرة سمعنا عنها من الملاك هي حالات فردية.

أيضا الخلاصة في الموضوع 301 المانيوال أقلهم مشاكل وأسهلهم في التعامل , لكن على حساب راحة السائق والكماليات.

ان إذ الله أن قربت استلم البيجو 301 الهاى لاين قريب وبعد ما قريت التعليقات دى والعيوب خايف أندم هى المشاكل دى فى موديل 2015 كله وخاصة أن نازل من نيسان الشكل الجديد ودى تعبتنى فى السفر طيب البيجو ثابته كويس على الأرض وخاصة فى السفر لما بتعدى جنبها عربيه نقل كبيرة وبسرعة ثابته انا من الصعيد والطرق عندنا وحشة لحد القاهرة وان بسفر كتير

الملاحظات التي تم ذكرها في جميع موديلات بيجو 301 باستثناء ملاحظات الفتيس غير موجودة بالمانيوال 5 سرعات.

البيجو مريحة وامكانياتها ممتازة وعوامل أمان وثبات معاك لحد 140كم , لكن بما إن حضرتك من الصعيد و301 ممكن تتطلب منك زيارة التوكيل من فترة لأخرى ولعدم توافر فروع لتوكيل بيجو في الصعيد فأنصحك بشراء سيارة بمشاكل أأقل مثل شيفروليه كروز الجديدة سعرها في حدود 155.000

لكن بردو بما إن حضرتك بتسافر كتير فممكن توصل مراكز الخدمة في القاهرة , توكل على الله وهات 301 وان شاء الله اختيار موفق ومبروك مقدما.

---------------------------

شخصيا لو ميزانيتي ~80-100 ألف ج وقارنت من أول الفئة التالتة من لوجان مع أول فئة من 301 المانيوال هختار اللوجان , عربية لا غبار عليها وثابتة وجود من 2008 و 2009 ومافيش أي شكاوى جوهرية من ملاك نيو لوجان (2014) تعيب السيارة .

ايه الفرق بين البيجو ٣٠١ وستروين سي اليزيه ؟؟؟
وهل الستروين تخضع لضمان وصيانه وكيل بيجو ولا ليها توكيل ومركز خدمه منفصل في مصر ؟؟

ايهما افضل فيات جراند بونتو ام بيجو 301

موديل 301/ 2014 تم تعديلات عيوبه ولا لسه ......... بسال عن المواصفات الخليجي ؟

ارجو توضيح معنى p1 & p2 فى اسم الموديل 301 للسيارة بيجو

ياريس سيدان 2015 ولا بيجو 301 2015 ؟!!

انا كريم صادق ،٢١ سنه و كنت عاوز استفسر علي كام حاجة:
معلش با باشمهندس عايز تفاصيل عن رينو لوجان2015 و عيوبها و خصوصا سمعت ان الموديلات القديمة كانت وحشه لدرجه ان الناس اشتريت emgrand7 عشان لوجان القديمه وحشه ، و بردو عايز اعرف راي حضرتك في الجيلي EC7 , ونا دي بنسبالي اول عربيه هشتريها

سوزوكي سياز أو بيجو 301
ايهما افضل من فضلك

انا بحب الجرى وحشترى بيجو 301 هل حتكون معايا على مريحة على السفر على سرعة 150 وثابتة ولا لا وبكل صراحة ممكن حد يفضنى

ارجو حد يفضنى مع العلم انى حجبها اتوماتك هل هى حتكون مريحة وثابتة على السرعات العالية عشان انا لما بسال فى التوكيل فى عدة فروع بيشكرو فيها جدان وريقولوا 1600 و 115 حصات يعنى قوية من فضلكم حد يفضنى عشان انا حستلمها ولا اتوقف

سوزوكي سياز صفقة رابحة مقابل تجهيزات السيارة ووسع صالونها , لكن تقفيل هندي مقابل تقفيل اسباني في 301 وأيضا قوة الماتور في صالح 301

يمكن التفكير في سياز كخيار جيد في حالة المقارنة من الفئة الأولى والثانية من 301 لقرب السعر .

سيتم كتابة تقارير مفصلة عن ياريس , سكودا , لوجان 2015 مع آخر الأسعار .. قريبا بإذن الله.

خالص تحياتي .

مهندس حاتم ممكن تقولى هل بيجو 301 على سرعة 150 ثابتة ولا العربية من دة امكانيتها للجرى

نصيحة أخي الكريم تجرب السيارة بنفسك لو موجودة مع أحد الأقارب أو الأصدقاء لأن موضوع الثبات نسبي يختلف من شخص لآخر ويختلف بحسب ظروف الطريق/ضغط الإطارات وغيرها.

ممكن يا فندم أعرف فين حامل الأكواب أنا مش لقياه [ بيجو 301 ]

ايهما افضل جراند بونتو الايزي ام بيجو 301 الفئه الثانيه

لو سمحت بيجو 301 احسن ولا لانسر شارك الفئة التانية؟

من فضلك Eng Hatem ممكن تقولي اي أفضل Peugeot 301 or Citroen C Élysée من حيث كل شيء والاهم التوكيل وقطع الغيار؟ أرجو الاهتمام والرد من فضلك شكرا

ممكن يا جماعة حد يقولي رأيه ال Peugeot 301 ولا Citroen C Élysée انا عارفه ان الفروق بنهم بسيطه بس سؤالي عن قطع الغيار والتوكيل من فضلكم أرجو الرد شكرا

اسوأما فى الموضوع انى اشتريت ال301 وللاسف نادم اشد الندم والسبب توكيل غمرة فعلا سوق السمك اشتغالات ودفع فلوس لاى حاجة وتحط ايدك بفلوس للرايح والجاى من اول الباب لدرجة انك لو عايز اى حاجة تلاقيها جوه

انا عايز اعرف سعر بيجو 301 2016 وهل فى تقسيط وفين مع العلم اني مدرس بالتربية والتعليم ومرتبي بسيط

ما الفرق بين الهاى لاين و البيز لاين ؟؟

ايهما افضل كورلا 2016 الفئه الثانيه ام بيجو 301فل كامله ارجو الرد

ايهما افضل كورلا 2016 الفئه الثانيه ام بيجو 301فل كامله ارجو الرد

بيجو 301 ولا رينو سانديرو ستيب اواى مع العلم انى جربت البيجو 301 و كانت معايا فترة شهر

من فضلك يا بشمهندس
كنت عاوز اعرف البيجو 301 2016 ولا نيو اوبترا 2016
من فضك ارجو الرد للاهميه

من فضلك يا بشمهندس
كنت عاوز اعرف البيجو 301 2016 ولا نيو اوبترا 2016
من فضك ارجو الرد للاهميه

عاوز اعرف لو سمحت سعر الرادياتير في التوكيل كام

سيارة جميلة ولكن حبيت افهم هذي 301ميونال 2013 القوة 005 3بيصطو ولا 4بيصطو

سياره رائعة شكرا علي الصور القيمة

بصراحه انا عندي لها سنه ٣٠١ وماانصح احد يشتريها اخذت فيها مقلب عمري واقسم بالله اني ندمانه اشد الندم اني اشتريتها

‏«الأقدم ‏‹أقدم   ‏1 – 200 من 202   ‏›أحدث ‏أحدث»

إرسال تعليق

لديك رأي بخصوص الموضوع؟ تفضلا بكتابته!

تنبيه

يرجى ملاحظة أن أسعار السوق متفاوتة من يوم لآخر بسبب عدم استقرار الأوضاع الاقتصادية الحالية وقد تكون الأسعار الموضحة غير دقيقة